Компания жаңалықтары

«Қазақстанның экспорттық-кредиттік агенттігі» АҚ (ЭКА, «Бәйтерек» ҰИХ» АҚ еншілес ұйымы) бірінші жартыжылдықтағы жұмыс қорытындысын шығарды. Өңдеуші сектордағы отандық экспорттаушыларды қолдаудың жалпы көлемі 418,5 млрд теңгеге жетті, оның ішінде 55,3 млрд теңгесі экспорт алдындағы және сауданы қаржыландыруға тиесілі. Бұл көрсеткіштер өткен жылдың сәйкес кезеңімен салыстырғанда сенімді өсімді көрсетіп отыр, ол кезде қолдау көлемі 332,7 млрд теңгені (оның ішінде экспорт алдындағы және сауданы қаржыландыруға – 43 миллиард теңге) құраған болатын.

Ағымдағы жылдың алғашқы алты айында шикізаттық емес сектордың 69 отандық кәсіпорны ЭКА қолдауына ие болды. Агенттік шағын және орта кәсіпкерлікті дамытуға ерекше көңіл бөледі, оның қолдау тапқан жобалардың жалпы санындағы үлесі 61%-ды құрады. Сонымен қатар, компанияның клиенттік базасы белсенді түрде кеңеюін жалғастыруда.

Агенттік ұлттық экономиканы әртараптандыру ЭКА-ның басты басымдығы болып қала беретінін баса айтады. Жобалардың ағымдағы портфелі дәл осы өндірісті кеңейту және елдің экспорттық әлеуетін нығайту принциптері негізінде қалыптасады.

«ЭКА көрсеткен қолдаудың жартыжылдықтағы тікелей экономикалық тиімділігі (жедел мәліметтер бойынша) 392 млрд теңгеге бағаланады. Өңдеуші сектордың экспортын ынталандыру арқылы біз отандық кәсіпорындарға қуаттылықты арттыруға, жаңа жұмыс орындарын ашуға және халықаралық сапа стандарттарын енгізуге көмектесеміз. Қолдау тапқан әрбір жоба — бұл шикізаттық модельден жоғары технологиялық экспортқа өтуге қосылған үлес», — деп атап өтті Агенттіктегілер.

ЭКА құралдарына деген сұраныс артып келеді. Экспорттаушылар көбінесе қысқа мерзімді дебиторлық берешекті сақтандыруды қолданады, бұл отандық кәсіпорындарды шетелдік сатып алушылар тарапынан төлем жасамау тәуекелінен қорғайды. Сондай-ақ, тауар өндіруге қаражат алуға көмектесетін экспорт алдындағы қаржыландыру мен қарыздарды сақтандыруға бизнес тарапынан жоғары сұраныс байқалды. Сонымен қатар, аккредитивтерді сақтандыру, экспорттық сауданы қаржыландыру, Қазақстанның Даму Банкімен жасалатын мәмілелерді сақтандыру және экспорттық кредиттерді сақтандыру сияқты құралдар экспортты қолдауда ерекше рөл атқарды.

География экспорттық белсенділіктің дәстүрлі түрде елдің өнеркәсіптік аймақтарында жоғары шоғырланғанын көрсетеді. Қолдау көлемі бойынша көшбасшылар үштігін Қарағанды облысы бастап тұр, одан кейін Шығыс Қазақстан облысы және Абай облысы орналасқан.

Ең көп экспортталатын тауарлардың қатарына металл өнімдері, май-тоңмай өнімдері, кондитерлік өнімдер және басқа да азық-түлік тауарлары кірді.

Бірінші жартыжылдықтың қорытындысы бойынша қазақстандық өндірушілер үшін негізгі экспорттық бағыттар — Өзбекстан, Ресей, Тәжікстан, Қырғызстан, сондай-ақ БАӘ, Қытай, Германия, Әзербайжан, Беларусь, Хорватия және Моңғолия сияқты елдерге экспорт қолдау тапты.

Агенттік портфелі сыртқы нарыққа шығатын жаңа брендтермен жүйелі түрде толығып отырады. Қолдау құралдарын тиімді пайдаланудың мысалы ретінде Алматыдағы «Сероп» тамақ өнеркәсібі кәсіпорнының кейсін айтуға болады. Компания қысқа мерзімді дебиторлық берешекті сақтандыру есебінен өзін шетелдік серіктестер тарапынан төлем жасамау тәуекелдерінен толық қорғай алды. Бұл отандық өндірушіге сыртқы өткізу нарықтарына сенімді түрде шығуға, жеміс-жидек пен көкөніс өнімдерін жеткізу географиясын кеңейтуге мүмкіндік берді.

Қазақстанның экспорттық-кредиттік агенттігі цифрлық экспорттық ортаны дәйекті түрде трансформациялап, оның технологиялылығын, ашықтығын және өндірушілер үшін ыңғайлылығын арттыра отырып, бизнесті қолдау көлемін ұлғайтуды жалғастыруда.

Бүгінгі таңда Агенттік екі цифрлық платформаны ұсынып отыр:

• Отандық экспорттаушылар үшін — «Экспорттаушының жеке кабинеті»: өтінімдерді нақты уақыт режимінде ыңғайлы қадағалауға мүмкіндік беретін толықтай онлайн-сервис. Бірінші жартыжылдықта ол арқылы 120-ға жуық өтінім сәтті өңделді.

• Шетелдік сатып алушылар үшін — «Экспорттаушылар :»: Made in Kazakhstan өнімдерінің интерактивті шоурумы. Сатып алушылар тексерілген жеткізушілерді тез тауып, олармен тікелей байланыса алады. 1 шілдедегі жағдай бойынша платформада 135 компания мен 420-дан астам тауар ұсынылған.

Анықтама: «Қазақстанның экспорттық-кредиттік агенттігі» АҚ («Бәйтерек» ҰИХ» АҚ құрылымына кіреді) — шикізаттық емес экспортты дамыту мен жылжыту жөніндегі ұлттық даму институты.

Агенттік өңдеуші сектор кәсіпорындарына, екінші деңгейдегі банктерге және басқа да қаржы институттарына коммерциялық және саяси тәуекелдерден сақтандыру қорғауын ұсынады, бұл экспорттық циклдің барлық кезеңдерінде мәмілелердің қауіпсіздігін қамтамасыз етеді.

Банктерден айырмашылығы, Агенттік экспорттаушылардың жобаларын тікелей қаржыландырмайды: жабдықтар, шикізат немесе жиынтықтауыштар сатып алуға мемлекеттік қаражат бөлмейді.

ЭКА-ның миссиясы — қазақстандық өндірушілерге тиімді қаржылық-сақтандыру және қаржылық емес қолдау құралдарын ұсыну арқылы экономиканың басым секторларында шикізаттық емес экспорттың өсуін ынталандыру.