Жалпы ақпарат
«KazakhExport» экспорттық сақтандыру компаниясы» АҚ - жалғыз мамандандырылған сақтандыру ұйымы - экспорттық-кредиттік агенттік функцияларын жүзеге асыратын Қазақстан Республикасының даму институты болып табылады. KazakhExport-тың бұл функциялары өңдеуші сектордың қазақстандық өнімінің шетелдік нарықтарға шығуын қолдау жөніндегі тиімді қаржылық механизмдерін құру мақсатында ҚР-ның 2010-2014 жылдарға арналған үдемелі индустриялық-инновациялық дамуы жөніндегі мемлекеттік бағдарламада бекітілді.
KazakhExport негізгі қызметі шеңберінде өңдеуші сектордың экспорттаушы кәсіпорындарына және ЕДБ-ге сыртқы сауда операциялары кезінде төлем жасамау тәуекелінен сақтандыру қорғанысын ұсынады және экспорттық циклдің барлық кезеңдерінде қауіпсіздікке кепілдік береді.
Миссиясы
Экономиканың басым секторларында шикізаттық емес тауарлар, жұмыстар, көрсетілетін қызметтер экспортының өсуін қолдау және қазақстандық кәсіпорындарды қаржылық-сақтандыру және қаржылық емес қолдау практикасын қалыптастыру болып табылады.
Пайымы
Қазақстан Республикасының экспорттық операцияларына қаржылық қолдау көрсету жөніндегі негізгі даму институты болу
Стратегиялық мақсаттар
Ұлттық экспорттық стратегия міндеттерін ескере отырып, KazakhExport-тың негізгі стратегиялық мақсаттары қолдау көрсетілген экспорттық келісімшарттар көлемін ұлғайту және қаржылық қолдау алған экспорттаушылар санын нысаналы мәндерге дейін арттыру болып табылады.
Дамудың стратегиялық бағыттары
- Экспортты қолдау құралдарын жетілдіру
- Экспорттаушылар санын ұлғайту үшін жағдайлар жасау
- Операциялық тиімділікті арттыру.
