Жалпы ақпарат

Міндет және көріну

«KazakhExport» экспорттық сақтандыру компаниясы» АҚ миссиясы  экономиканың басым секторларындағы шикізаттық емес тауарлардың, жұмыстардың, қызметтердің экспортының өсуін қолдау және қазақстандық кәсіпорындарға қаржылық-сақтандыру және қаржылық емес қолдау көрсету тәжірибесін қалыптастыру.

«KazakhExport» экспорттық сақтандыру компаниясы» АҚ пайымы  2023 жылға дейін Орта Азия өңіріндегі және Еуразиялық экономикалық одақ елдеріндегі Қазақстан Республикасының сыртқы экономикалық саясатын жүзеге асырудағы негізгі даму институтына айналу.

Жалғыз Акционер

«KazakhExport» экспорттық сақтандыру компаниясы» АҚ Жалғыз Акционері «Бәйтерек» ұлттық басқарушы холдингі» АҚ болып табылады.

baiterek.gov.kz

Қазақстан Республикасы, Нұр-Сұлтан қаласы,
Мәңгілік Ел даңғылы, 55А
тел.: +7 (7172) 90-78-12; 91-91-11; 91-91-10
e-mail: kense@baiterek.gov.kz

Холдингті құру тарихы

«Бәйтерек» ұлттық басқарушы холдингі» акционерлік қоғамы «Ұлттық даму институттарын, қаржылық ұйымдарды басқару жүйесін оңтайландыру және ұлттық экономиканы дамыту жөніндегі кейбір шаралар туралы» Қазақстан Республикасы Президентінің 2013 жылғы 22 мамырдағы № 571 Жарлығына және «Қазақстан Республикасы Президентінің 2013 жылғы 22 мамырдағы № 571 Жарлығын іске асыру жөніндегі шаралар туралы» Қазақстан Республикасы Үкіметінің 2013 жылғы 25 мамырдағы № 516 қаулысына сәйкес құрылды.

Холдингтің міндеттері

«Бәйтерек» холдингінің негізгі міндеті ұлттық даму институттарының, ұлттық компаниялардың және басқа заңды тұлғалардың өзіне меншік құқығымен тиесілі және сенімгерлік басқаруға берілген акциялар топтамасын (қатысу үлестерін) басқару болып табылады. Холдинг Қазақстан Республикасы Президентінің 2013 жылғы 22 мамырдағы № 571 Жарлығы ұлттық даму институттарын, қаржылық ұйымдарды басқару жүйесін оңтайландыру және ұлттық экономиканы дамыту мақсатында құрылды.

«Бәйтерек» холдингінің басты міндеттерінің бірі оның компаниялар тобының тиімді және өзара толықтыратын әрекеттерін қамтамасыз ету болып табылады.

Холдингтің миссиясы

Мемлекеттік саясатты іске асыру, әлеуметтік бағытталған міндеттерді шешу және «2050-стратегиясы» белгілеген мақсаттарға қол жеткізу үшін экономиканың басым секторларын қаржыландыру және қолдау көрсету арқылы Қазақстанның тұрақты экономикалық дамуына қолғабыс көрсету.

Холдингтың пайымы

2023 жылға қарай – Қазақстан Республикасы Үкіметінің негізгі қаржы агенті болып табылатын, ел экономикасы әртараптандыруды, жаңғыртуды және тұрақты дамытуды және мемлекеттің әлеуметтік бағытталған міндеттерін шешуді қамтамасыз ететін Холдинг.

«KazakhExport» экспорттық сақтандыру компаниясы» акционерлік қоғамының 2017-2023 жылдарға даму стратегиясы

«KazakhExport» экспорттық сақтандыру компаниясы» акционерлік қоғамының 2017-2023 жылдарға даму стратегиясы экономиканың шикізаттық емес секторындағы экспортқа бағытталған қызметтің өзінің, сондай-ақ ЖІӨ-нің 1% мақсатты деңгейіне дейін экспортты қолдау көлемінің күтілетін өсімі жағдайында Компанияның даму бағыттарын белгілейді. KazakhExport, бір жағынан, экспорттаушылар мен шикізаттық емес экспорт көлемінің өсуіне қолғабыс көрсетуі, және екінші жағынан, көрсетілетін қолдау көлемінің ұлғаюы жағдайында өсетін клиенттік базаның талаптарына технологиялық және ұйымдастырушылық жағынан сәйкес болуы тиіс.

KazakhExport дамуының стратегиялық бағыттары экспортты қолдау құралдарын жетілдіруді, экспорттаушылар санын ұлғайту үшін жағдайлар жасауды және операциялық тиімділікті көтеруді қамтиды.

KazakhExport жаңартылған стратегиясы оның қызметін «Бәйтерек» Холдингі, соның ішінде оның барлық еншілес ұйымдары, сондай-ақ квазимемлекеттік сектордың басқа ұйымдары, атап айтқанда «KAZAKH INVEST» ұлттық компаниясы» АҚ (бұдан әрі - KAZAKH INVEST) беретін бизнесті қолдау шараларының кешеніне интеграциялауды ескереді. Бұл «Бәйтерек» ҰБХ басқару органдары арқылы қызметті үйлестіруді, Холдинг үшін ортақ инфрақұрылымдық және ІТ-шешімдерді пайдалануды, сондай-ақ басқа ұйымдармен және бөлімшелермен функциялардың қайталануын болдырмауды көздейді.

Стратегияны іске асыру көпшілік жағдайда KazakhExport қызметінің мәні мен міндетін көрсететін қызметтің бас көрсеткіштерінің жаңартылған жиынына қол жеткізуге бағытталатын болады. Көрсеткіштер қатарына: қолдау көрсетілген экспорттың көлемі; қабылданған сақтандыру міндеттемелерінің көлемі; қолдау көрсетілген экспорттаушылар саны; қолдау көрсетілген кәсіпкерлер шығарған өнім көлемі; KazakhExport-тың қаржы-сақтандыру қолдауын алушы-кәсіпорындардың экспорттық түсімінің көлемі. Бұл ретте, KazakhExport-тан өз қызметінің ең аз залалсыз деңгейіне (ROA 1% деңгейінде) қол жеткізу күтілетін болады.

Неге бізге?

Қазақстандық экономиканы шикізаттық бағыттан қайта бағдарлау үшін, сол арқылы бәсекеге қабілеттілікті арттыру үшін, экономикасы дамып келе жатқан кез-келген ел сияқты Қазақстан да шикізаттық емес экспорттың үлесін арттыру қажет. Қазақстан  экономикасының болашағы жұмыс істеп тұрған экспорттаушы компаниялардың дамуына және халықаралық деңгейде бизнеспен айналысқысы келетін экспортқа бағдарланған жаңа компаниялардың пайда болуына байланысты. Экспорттаушыларға тиеп-жөнелту алдындағы тәуекелдер мен тауар кредиттерін сақтандыру Қазақстан Республикасы экономикасының игілігі үшін болашақта сенімді болуына кепілдік береді.

«KazakhExport» экспорттық сақтандыру компаниясы» АҚ сақтандырудың артықшылықтары

№1
Экспорттауда төлемді кейінге қалдыру шарты  мүмкіндігі немесе төлемді кейінге қалдыру шартымен экспорттық сату көлемін ұлғайту
№2
«KazakhExport» экспорттық сақтандыру компаниясы» АҚ-ның сақтандыру қорғауы болған кезде кредиттеу мүмкіндіктерін кеңейту және шарттарды жақсарту, себебі «KazakhExport» экспорттық сақтандыру компаниясы» АҚ-ның сақтандыруы банк кредиттері  бойынша қамтамасыз ету болып табылады
№3
Экспорттық келісімшарт бойынша міндеттемелерді орындау шетелдік қарсы әріптеске байланысты болмаған жағдайда саяси сипаттағы сақтандыру жағдайы басталған кездегі шығындарды қысқарту
№4
Төлем жасамау тәуекелдерін азайту, себебі кепілдікті қамтамасыз ету кезінде тәуекел толығымен жоққа шығарылмайды
№5
Жаңа нарықтарға «қауіпсіз кіру» стратегиясының тиімді құралы
№6
Қазақстандық инвестицияларды шетелдік саяси тәуекелдерден қорғау
№7
Анықталған экспорттық тәуекелдерге негізделген стратегиялық жоспарлау
№8
Экспорттық кредиттерді сақтандыру рәсімдері, себебі  аккредитив ашқанға қарағанда, шығындары аз болады.
№9
Факторингтік операцияларға қарағанда экспорттық кредиттерді сақтандыру  арзанырақ