Қазақстанның экспорттық-кредиттік агенттігі дебиторлық берешекті сақтандырудың озық стандарттарын енгізуде
ICISA әлемнің жетекші экспорттық-кредиттік агенттіктерін, сақтандыру және қайта сақтандыру компанияларын біріктіріп, салалық стандарттарды қалыптастыру және жаһандық нарықтың өзекті үрдістерін талқылау бойынша негізгі халықаралық алаң ретінде қызмет етеді.
Іс-шара аясында ЭКА Қазақстан өкілдері жетекші экспорттық-кредиттік агенттіктер мен халықаралық қайта сақтандыру топтарының басшыларымен салалық сессиялар мен жұмыс кездесулеріне қатысты. Қазақстан тарапының ерекше назары қысқа мерзімді дебиторлық берешекті сақтандыру өнімдерін дамыту және кепілдік қолдау құралдары мәселелеріне аударылды. Осындай пікірталастарға қатысу Агенттікке үздік халықаралық тәжірибелерді ескеруге және ұлттық экспорттаушыларды қолдауға арналған өнім желісін одан әрі жетілдіруге мүмкіндік береді.
«Бұл біз үшін жай ғана тәжірибе алмасу емес, әлемдік нарықтарда табысты жұмыс істеп жатқан құралдарды Қазақстанда енгізу мүмкіндігі. Біз үздік халықаралық шешімдерді отандық кәсіпкерлердің қажеттіліктеріне бейімдейміз, осылайша қазақстандық экспорттаушылар әлемнің кез келген нүктесінде келісімшарттар жасасу кезінде өздерін сенімді әрі қорғалған сезінеді», – деп атап өтті Агенттікте.
ICISA кәсіби қауымдастығына интеграциялану ЭКА Қазақстанның шикізаттық емес экспортты қорғаудың заманауи тетіктерін дамытуға және елдің халықаралық нарықтардағы ұстанымын нығайтуға ұмтылысын растайды.
Компания туралы:
«Қазақстанның экспорттық-кредиттік агенттігі» АҚ – шикізаттық емес экспортты дамыту және ілгерілету саласындағы ұлттық институт. Агенттік негізгі қызметі аясында өңдеуші сектор экспорттаушыларына, екінші деңгейдегі банктерге және өзге де қаржы институттарына сыртқы сауда операциялары кезінде төлем жасамау тәуекелдерінен сақтандыру қорғанысын ұсынып, экспорттық циклдің барлық кезеңдерінде қауіпсіздікті қамтамасыз етеді.
