Баку қаласында әлемдегі ең ірі экспорттық-кредиттік агенттіктер кездесті
Әзірбайжанда сауданы қаржыландыру және корреспонденттік қатынастар бойынша халықаралық конференциясы өтті. Іс-шараға экспорттық-кредиттік агенттіктер (ЭКА) арасында «КЛУБ ЭКА В БАКУ» (ECAsPanelDiscussion) SACE (Италия), Oekb (Австрия), SINOSURE (Қытай), Hermes (Германия) және т.б. әлемдік көшбасшылар қатысты. Қатысушылар қатарында KazakhExport (Қазақстан) ұлттық сараптамалық-сақтандыру компаниясы бар.
Панельдік пікірталас шеңберінде дағдарыс жағдайындағы ЭКА қызметінің мәселелері, ЭКА қатысуымен Халықаралық мәмілелерді құрылымдаудың артықшылықтары, экспортты дамытуға бірлесіп жәрдемдесу және өңдеуші өнеркәсіп экспортының өсуін қолдаудың басқа да мәселелері талқыланды.
KazakhExport өкілдері кездесу қатысушыларына компания жұмысының негізгі тәсілдері, табысты іске асырылған кейстер, сақтандыру нарығындағы өзгерістер және т.б. туралы айтып берді.
Конференция соңында шикізаттық емес экспортты сақтандыру нарығын дамыту үшін одан әрі өзара ынтымақтастық және ақпарат алмасу жөнінде уағдаластықтарға қол жеткізілді.
