Өзбекстанда сауданы қаржыландыруды одан әрі дамыту мүмкіндіктері талқыланды
"KazakhExport" ұлттық экспорттық сақтандыру компаниясы Өзбекстан Республикасының Ташкент қаласында өткен Өзбекстандағы сауда қаржыландыруы жөніндегі бесінші жыл сайынғы халықаралық конференцияға қатысты.
Іс-шараны "Kapitalbank" АКБ және "Asaka Bank" АҚ демеушілігімен, сондай-ақ European Bank for Reconstruction and Development (EBRD) және Facilitating Open account-Receivables Finance (FCI) институционалдық серіктестігінің қолдауымен Worldwide Expert Conferences Ltd ұйымдастырды.
Іс-шараға қатысушылар қатарында Euler Hermes (Германия), Finnvera (Финляндия), Nexi (Жапония), SACE (Италия), Turk Eximbank (Түркия), Hugarian Export-Import Bank (Венгрия), KazakhExport (Қазақстан) және т.б. сияқты әлемнің ірі экспорттық-кредиттік агенттіктерінің (ЭКА) өкілдері болды.
"KazakhExport" АҚ өкілдері, Cауда қаржыландыруы бағыты бойынша сақтандыру департаменті директорының орынбасары Айжан Ахметалимова және Cауда қаржыландырудың бас менеджері Зульфия Муратова конференция қатысушыларына сауданы қаржыландыруға баса назар аудара отырып, KazakhExport -ты қолдау құралдарын қолданудың практикалық тәжірибесін таныстырды.
Сөз сөйлеу барысында А. Ахметалимова Орталық Азия елдері арасындағы сауда-экономикалық қатынастарды дамыту қажеттігін атап өтіп, конференцияның экспорттық-кредиттік агенттіктер мен қаржы институттары арасында тәжірибе алмасу алаңы ретіндегі маңыздылығын атап өтті.
"KazakhExport қатысуымен сауда-саттық қаржыландырудың ерекшелігі қазақстандық банктер үшін ең аз тәуекелмен есеп айырысудың аккредитивтік нысаны шеңберінде қазақстандық тауарларды сатып алатын шетелдік банктер мен компаниялар үшін жеңілдікті шарттармен қаржыландырудың артықшылығы болып табылады. Мұндай форумдар жобаларды ілгерілету және ынтымақтастық шекараларын кеңейту үшін пікірталастарды бастауға мүмкіндік береді", - деп атап өтті А. Ахметалимова.
Өз кезегінде, З. Муратова спикер ретінде халықаралық конференцияның дөңгелек үстелдеріне қатысу нәтижелерімен бөлісті:
"KazakhExport қолдау құралдары конференцияға қатысушылар тарапынан үлкен қызығушылық тудырды. Халықаралық қаржы институттарының өкілдерімен танысу және талқылау барысында сауданы қаржыландыру шеңберінде мәмілелерді іске асырудың жаңа жолдары мен мүмкіндіктері пайда болды".
Конференцияға қатысушылар "KazakhExport" экспортын қолдау тәжірибесі мен ілгерілету перспективаларын зерделеді, ағымдағы экономикалық жағдай шеңберіндегі ЭКА басымдықтарын, даму үшін банктер мен ЭКА үшін кооперация қажеттілігін және басқа да өзекті мәселелерді талқылады.
