ЭКА ISO 14001 халықаралық экологиялық стандарт талаптарына сай екенін растады
Қазақстанның Экспорттық-кредиттік агенттігі АҚ (Агенттік) экологиялық менеджмент жүйесін сертификаттау рәсімін сәтті аяқтады. Агенттік СТ РК ISO 14001-2016 (ISO 14001:2015) халықаралық стандартына сәйкес келетін «Экологиялық менеджмент жүйелері. Талаптар және қолдануға арналған нұсқаулық» сертификатын алды.
Бұл сертификаттың алынуы Агенттіктің өз операциондық қызметін қоршаған ортаны қорғау мен тұрақты даму саласындағы ең үздік халықаралық тәжірибелерге сай жүргізетінін тікелей дәлелдейді. Бұл Агенттік үшін ESG күн тәртібінің маңызды бөлігі.
Экологиялық менеджмент жүйесін енгізу тиімді бақылау мен экологиялық аспектілерді басқару, ресурстарды ұтымды пайдалану және қоршаған ортаға теріс әсерді азайту, сондай-ақ қызметкерлер арасында экологиялық жауапкершілік мәдениетін нығайту сияқты бірқатар маңызды артықшылықтар мен мүмкіндіктерді қамтамасыз етеді.
Агенттікте бұл қадамның жай ғана стандартқа сәйкестік емес екені атап өтілді. Бұл – тұрақты даму қағидаттарына жүйелі берілгендіктің және қаржы нарығына үлгі болуға, экологиялық күн тәртібін компания ішінде де, сыртында да ілгерілетуге деген ұмтылыстың дәлелі.
ISO 14001:2015 стандарты бойынша сертификаттау басқарушылық процестерді жүйелеуге, ресурстарды тиімді пайдалануды арттыруға және беделді нығайтуға ықпал етеді. Осылайша, Агенттік Қазақстан Республикасының қаржы нарығының жауапты қатысушысы мәртебесін растады.
