Қостанай қаласындағы экспортқа бағытталған кәсіпорындардың басшыларымен экспортшыларды мемлекеттік қолдау шараларымен таныстыру үшін кездесу өтті
2016 жылғы 15 наурызда Қостанай қаласының әкімдігінде әкімдіктің, «ҚазЭкспортГарант» Экспорттық сақтандыру компаниясы» АҚ-ның, «KAZNEX INVEST» экспорт жөніндегі Ұлттық Агенттігінің, сондай-ақ «Даму» КДҚ» АҚ-ның және «Атамекен» ҚР Ұлттық кәсіпкерлер палатасының өкілдерінің отандық экспортшы-кәсіпорындардың басшыларымен кездесуі болып өтті.
Кәсіпкерлердің назарына «ҚазЭкспортГарант» Экспорттық сақтандыру компаниясы» АҚ қаржы операторы ретінде экспорттық сауданы қаржыландыру және 2015-2019 жылдарға арналған МҮИИД шеңберінде төлемді кейінге қалдыру шарттарымен тауарларды шетелге жеткізуді ұлғайту операцияларын қолдау жөніндегі мемлекеттік қолдау көрсету шаралары ұсынылды.
Кездесуге Қостанайдағы «Баян-Сұлу» АҚ кондитерлік фабрикасының президенті Тимур Садықов та қатысты, ол«ҚазЭкспортГарант» Экспорттық сақтандыру компаниясы» АҚ-ның негізгі клиенттерінің бірі бола отырып, «ҚазЭкспортГарант»бағдарламаларына қатысудағы өзінің сәтті тәжірибесін атап өтті.